ਸ਼ੈਮਰਾਕ ਸਕੂਲ ਵੱਲੋਂ ਦੋ ਦਿਨਾਂ ਰਾਜ ਪੱਧਰ ਦੇ ਇੰਟਰ ਸਕੂਲ ਈਵੈਂਟ ਬਿਜ਼ਨਸ ਮੁਕਾਬਲੇ ਕਰਵਾਏ ਗਏ

ਉੱਤਰੀ ਭਾਰਤ ਦੇ ਵੱਖ-ਵੱਖ ਸਕੂਲਾਂ ਤੋਂ 410 ਵਿਦਿਆਰਥੀਆਂ ਨੇ ਭਾਗ ਲਿਆ

ਮੋਹਾਲੀ, 15 ਅਕਤੂਬਰ : ਸ਼ੈਮਰਾਕ ਸੀਨੀਅਰ ਸਕੈਂਡਰੀ ਸਕੂਲ, ਸੈਕਟਰ 69 ਵੱਲੋਂ ਵਿਦਿਆਰਥੀਆਂ ਦੇ ਵਪਾਰਕ ਹੁਨਰ ਨੂੰ ਨਿਖਾਰਨ ਲਈ ਦੋ ਦਿਨਾਂ ਰਾਜ ਪੱਧਰ ਦੇ ਇੰਟਰ ਸਕੂਲ ਈਵੈਂਟ ਬਿਜ਼ਨਸ ਮੁਕਾਬਲੇ ਕਰਵਾਏ ਗਏ। ਇਨਾ ਮੁਕਾਬਲਿਆਂ ਵਿਚ ਵੱਖ ਵੱਖ ਸਕੂਲਾਂ ਦੀਆਂ ਟੀਮਾਂ ਦੇ 410 ਵਿਦਿਆਰਥੀਆਂ ਨੇ ਹਿੱਸਾ ਲਿਆ।ਇਨ੍ਹਾਂ ਮੁਕਾਬਲਿਆਂ ਦੇ ਆਯੋਜਨ ਦਾ ਮੁੱਖ ਮੰਤਵ ਭਵਿੱਖ ਦੇ ਉੱਦਮੀਆਂ ਨੂੰ ਐਕਸਪੋਜਰ ਪ੍ਰਦਾਨ ਕਰਨ ਅਤੇ ਉਨ੍ਹਾਂ ਨੂੰ ਉੱਜਵਲ ਅਤੇ ਸਫਲ ਭਵਿੱਖ ਲਈ ਚੁਨੌਤੀਆਂ ਦਾ ਸਾਹਮਣਾ ਕਰਨ ਲਈ ਤਿਆਰ ਕਰਨ ਲਈ ਕੀਤਾ ਗਿਆ ਸੀ। ਜਿਊਰੀ ਮੈਂਬਰਾਂ ਆਪੋ-ਆਪਣੇ ਖੇਤਰ ਵਿਚ ਪ੍ਰਸਿੱਧੀ ਅਤੇ ਮੁਹਾਰਤ ਵਾਲੇ ਪੇਸ਼ੇਵਾਰ ਅਤੇ ਸਿੱਖਿਅਕ ਸਨ।

ਇਸ ਈਵੈਂਟ ਨੇ ਭਵਿੱਖ ਦੇ ਉੱਦਮੀਆਂ ਨੂੰ ਐਕਸਪੋਜਰ ਪ੍ਰਦਾਨ ਕਰਨ ਅਤੇ ਉਨ੍ਹਾਂ ਨੂੰ ਇੱਕ ਉੱਜਵਲ ਅਤੇ ਸਫਲ ਭਵਿੱਖ ਲਈ ਚੁਨੌਤੀਆਂ ਦਾ ਸਾਹਮਣਾ ਕਰਨ ਲਈ ਤਿਆਰ ਕਰਨ ਦਾ ਪ੍ਰਸਤਾਵ ਦਿੱਤਾ। ਸਟੇਜ ਨੇ ਨੌਜਵਾਨ ਦਿਮਾਗਾਂ ਦੀ ਸਿਰਜਣਾਤਮਿਕ ਸੂਝ-ਬੂਝ ਨੂੰ ਇਕੱਠਾ ਕੀਤਾ ਜਿਨ੍ਹਾਂ ਨੇ ਆਪਣੀ ਨਵੀਨਤਾ ਕਾਰੀ, ਉੱਦਮੀ ਸਮਰੱਥਾ ਨੂੰ ਪ੍ਰਗਟ ਕੀਤਾ ਅਤੇ ਉਨ੍ਹਾਂ ਦੀ ਵਪਾਰਕ ਭਾਵਨਾ, ਰਚਨਾਤਮਿਕਤਾ, ਭਾਸ਼ਣ ਕਲਾ ਅਤੇ ਰਵੱਈਏ ਦੀ ਪਰਖ ਕੀਤੀ।
ਅਖੀਰ ਵਿਚ ਸਖ਼ਤ ਮੁਕਾਬਲੇ ਤੋਂ ਬਾਅਦ ਡਿਬੇਟ ਵਿਚ ਸ਼ਿਵਾਲਿਕ ਸਕੂਲ ਸੈਕਟਰ-41 ਦੀ ਆਸ਼ਿਮਾ ਕਪੂਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਸੈਕਰਡ ਹਾਰਟ ਸਕੂਲ ਦੀ ਦਿਵਸ਼ੀ ਅਤੇ ਜੰਨਤ ਨੇ ਦੂਜਾ ਅਤੇ ਤੀਜਾ ਸਥਾਨ ਹਾਸਲ ਕੀਤਾ। ਕੁਆਡ ਸਪਟੈਟ ਮੁਕਾਬਲੇ ਵਿਚ ਸ਼ੈਮਰਾਕ ਸਕੂਲ ਦੀ ਰਵਾਸਵੀ ਸ਼ਰਮਾ ਪਹਿਲੇ ਸਥਾਨ 'ਤੇ ਰਹੀ। ਬੀ ਸੀ ਐਮ ਆਰੀਆ ਸਕੂਲ ਲੁਧਿਆਣਾ ਦੀ ਇਸ਼ਮੀਤ ਕੌਰ ਅਤੇ ਰੋਹਨ ਅਰੋੜਾ ਦੂਜੇ ਅਤੇ ਤੀਜੇ ਸਥਾਨ 'ਤੇ ਰਹੇ। ਇਸੇ ਤਰਾਂ ਟਰੇਡ ਜਿਮਮਿਕ ਮੁਕਾਬਲੇ ਵਿਚ ਭਵਨ ਵਿਦਿਆਲਿਆ ਪੰਚਕੂਲਾ ਦੇ ਗਿਮਿਕ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।ਜਦ ਕਿ ਸੀ ਵੀ, ਜੀ ਡੀ ਅਤੇ ਕਾਰਪੋਰੇਟ ਇੰਟਰਵਿਊ ਵਿਚ ਸਿਮਰਜੋਤ ਪਹਿਲੇ ਸਥਾਨ 'ਤੇ ਰਹੀ। ਬਰਾਂਡ ਟੋਸਟਿੰਗ ਦ ਮਿਲੇਨੀਅਮ ਸਕੂਲ ਵਿਚ ਮੁਹਾਲੀ ਦੀ ਟੀਮ ਜੇਤੂ ਰਹੀ।
ਸਕੂਲ ਦੇ ਐਮ ਡੀ ਕਰਨ ਬਾਜਵਾ ਅਤੇ ਸਕੂਲ ਦੇ ਪ੍ਰਿੰਸੀਪਲ ਪ੍ਰਨੀਤ ਸੋਹਲ ਨੇ ਵਿਦਿਆਰਥੀਆਂ ਨੂੰ ਜੀਵਨ ਵਿਚ ਮੱਲ੍ਹਾਂ ਮਾਰਨ ਲਈ ਪ੍ਰੇਰਿਤ ਕੀਤਾ । ਅਖੀਰ ਵਿਚ ਸਕੂਲ ਦੇ ਚੇਅਰਮੈਨ ਅਮਰਜੀਤ ਸਿੰਘ ਬਾਜਵਾ ਨੇ ਜੱਜਾਂ ਨੂੰ ਯਾਦਗਾਰੀ ਚਿੰਨ੍ਹ ਅਤੇ ਜੇਤੂਆਂ ਨੂੰ ਟਰਾਫ਼ੀਆਂ ਦੇ ਕੇ ਸਨਮਾਨਿਤ ਕੀਤਾ।