ਮੋਹਾਲੀ, 05 ਅਕਤੂਬਰ : ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ ਦੇ ਝੰਜੇੜੀ ਕੈਂਪਸ ਵੱਲੋਂ ਬਿਜ਼ਨਸ ਇਨਕਿਊਬੇਟਰ ਐਸੋਸੀਏਸ਼ਨ ਦੀ ਸਰਪ੍ਰਸਤੀ ਹੇਠ ਨੌਜਵਾਨਾਂ ਵਿਚ ਨਵੀਨਤਮ ਸੋਚ ਅਤੇ ਅਗਾਂਹ-ਵਧੂ ਬਿਜ਼ਨੇਸ ਪਲੈਨਿੰਗ ਨੂੰ ਪ੍ਰਫੁਲਿਤ ਕਰਨ ਲਈ ਵੈਂਚਰਨੈਸਟ ਵਾਲਟ ਦਾ ਆਯੋਜਨ ਕੀਤਾ ਗਿਆ। ਇਸ ਉਪਰਾਲੇ ਦਾ ਉਦੇਸ਼ ਕਾਬਿਲ ਨੌਜਵਾਨ ਵਿਦਿਆਰਥੀਆਂ ਨੂੰ ਇੱਕ ਗਤੀਸ਼ੀਲ ਪਲੇਟਫ਼ਾਰਮ ਰਾਹੀਂ ਸਫਲ ਉੱਦਮੀ ਬਣਨ ਦੇ ਸੁਪਨੇ ਨੂੰ ਉਤਸ਼ਾਹਿਤ ਕਰਦੇ ਹੋਏ ਨਵੇਂ ਸਟਾਰਟ ਅੱਪ ਸ਼ੁਰੂ ਕਰਨ ਲਈ ਸਫਲ ਪਲੇਟਫ਼ਾਰਮ ਉਪਲਬਧ ਕਰਵਾਉਣਾ ਸੀ। ਕੁਸ਼ਲ ਸੋਚ ਦੇ ਇਸ ਈਵੈਂਟ ਵਿਚ ਅਠਾਰਾਂ ਰਾਜਾਂ ਦੇ ਸੱਠ ਦੇ ਕਰੀਬ ਸਟਾਰਟ ਆਪਸ ਨੇ ਆਪਣੇ ਦੂਰਅੰਦੇਸ਼ੀ ਵਿਚਾਰਾਂ ਨੂੰ ਵੀਹ ਕੌਮੀ ਅਤੇ ਕੌਮਾਂਤਰੀ ਨਿਵੇਸ਼ਕਾਂ ਦੇ ਸਾਹਮਣੇ ਪੇਸ਼ ਕੀਤਾ। ਇਨ੍ਹਾਂ ਨਿਵੇਸ਼ਕਾਂ ਵੱਲੋਂ ਸਬੰਧਿਤ ਸਟਾਰਟ ਅੱਪ ਲਈ ਬਾਰਾਂ ਕਰੋੜ ਦੀ ਫੰਡਿਗ ਦਾ ਟੀਚਾ ਰੱਖਿਆਂ ਗਿਆ ਸੀ।ਇਸ ਈਵੈਂਟ ਦੇ ਮੁੱਖ ਮਹਿਮਾਨ ਪੰਜਾਬ ਵਿਧਾਨ ਸਭਾ ਦੇ ਮਾਨਯੋਗ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਸਨ।
ਸਪੀਕਰ ਸੰਧਵਾ ਨੇ ਇਸ ਉਪਰਾਲੇ ਦੀ ਸਲਾਹਣਾ ਕਰਦੇ ਹੋਏ ਕਿਹਾ ਕਿ ਝੰਜੇੜੀ ਕੈਂਪਸ ਵੱਲੋਂ ਕੀਤਾ ਗਿਆ ਇਹ ਉਪਰਾਲਾ ਇਸ ਖ਼ਿੱਤੇ ਵਿਚ ਕੀਤਾ ਗਿਆ ਨਿਵੇਕਲਾ ਉਪਰਾਲਾ ਹੈ। ਜਿਸ ਰਾਹੀਂ ਨਾ ਸਿਰਫ਼ ਵਿਦਿਆਰਥੀਆਂ ਨੂੰ ਸਵੈ ਰੁਜ਼ਗਾਰ ਬਣਾਏਗਾ ਬਲਕਿ ਉਨ੍ਹਾਂ ਨੂੰ ਪੰਜਾਬ ਦੇ ਹੋਰ ਨੌਜਵਾਨ ਮੁੰਡੇ ਕੁੜੀਆਂ ਨੂੰ ਵੀ ਰੁਜ਼ਗਾਰ ਦੇ ਮੌਕੇ ਉਪਲਬਧ ਕਰਵਾਉਣਗੇ। ਸਪੀਕਰ ਸੰਧਵਾ ਨੇ ਚੇਅਰਮੈਨ ਰਛਪਾਲ ਸਿੰਘ ਧਾਲੀਵਾਲ ਨੂੰ ਸਿੱਖਿਆਂ ਦੇ ਖੇਤਰ ਵਿਚ ਉਨ੍ਹਾਂ ਵੱਲੋਂ ਦਿਤੇ ਜਾ ਰਹੇ ਵਡਮੁੱਲੇ ਯੋਗਦਾਨ ਦੀ ਵਧਾਈ ਦਿੰਦੇ ਹੋਏ ਝੰਜੇੜੀ ਕੈਂਪਸ ਵੱਲੋਂ ਤਿਆਰ ਕੀਤੇ ਜਾ ਰਹੇ ਪ੍ਰੈਕਟੀਕਲ ਮੈਨੇਜਰ ਅਤੇ ਇੰਜੀਅਰਾਂ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ । ਇਸ ਦੇ ਨਾਲ ਹੀ ਡਾ. ਜੇ.ਕੇ.ਸ਼ਰਮਾ, ਸਟਾਰਟ ਅੱਪ ਐਂਡ ਐਂਟਰਪ੍ਰੀਨਿਓਰਸ਼ਿਪ ਫੋਰਮ ਦੇ ਚੇਅਰਮੈਨ , ਸੀ.ਆਈ.ਆਈ ਮੋਹਾਲੀ ਜ਼ੋਨ ਦੇ ਵਾਈਸ ਚੇਅਰਮੈਨ ਵਿਵੇਕ ਕਪੂਰ, ਰਾਕੇਸ਼ ਕੁਮਾਰ ਵਰਮਾ,ਐਸ.ਟੀ.ਪੀ.ਆਈ ਮੁਹਾਲੀ ਦੇ ਵਧੀਕ ਡਾਇਰੈਕਟਰ, ਸੁਖਮਨ ਮਾਨ, ਈ ਜੀ ਐਸ ਡੀ ਟੀ ਓ, ਰੋਜ਼ਗਾਰ ਉਤਪਤੀ ਅਤੇ ਸਿਖਲਾਈ ਵਿਭਾਗ, ਪੰਜਾਬ ਸਰਕਾਰ ਸਮੇਤ ਸਿੱਖਿਆਂ ਜਗਤ ਅਤੇ ਉਦਯੋਗ ਜਗਤ ਦੀਆਂ ਹੋਰ ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਹਾਜ਼ਰ ਸਨ।
ਸੀ ਜੀ ਸੀ ਦੇ ਚੇਅਰਮੈਨ ਰਛਪਾਲ ਸਿੰਘ ਧਾਲੀਵਾਲ ਨੇ ਆਏ ਸਭ ਮਹਿਮਾਨਾਂ ਨੂੰ ਜੀ ਆਇਆਂ ਕਹਿੰਦੇ ਹੋਏ ਝੰਜੇੜੀ ਕੈਂਪਸ ਵੱਲੋਂ ਨੌਜਵਾਨਾਂ ਦੇ ਉੱਜਲ ਭਵਿੱਖ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ। ਚੇਅਰਮੈਨ ਧਾਲੀਵਾਲ ਨੇ ਦੱਸਿਆਂ ਕਿ ਝੰਜੇੜੀ ਕੈਂਪਸ ਵੱਲੋਂ ਜਿੱਥੇ ਹਰ ਸਾਲ ਗੂਗਲ, ਮਾਈਕਰੋਸੋਫਟ ਸਮੇਤ ਹੋਰ ਕੌਮਾਂਤਰੀ ਕੰਪਨੀਆਂ ਵਿਚ ਆਪਣੇ ਵਿਦਿਆਰਥੀਆਂ ਦੀ ਬਿਹਤਰੀਨ ਚੋਣ ਕਰਵਾਈ ਜਾਂਦੀ ਹੈ। ਉੱਥੇ ਹੀ ਵਿਦਿਆਰਥੀਆਂ ਨੂੰ ਸਵੈ ਰੁਜ਼ਗਾਰ ਸ਼ੁਰੂ ਕਰਨ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ। ਇਹ ਉਪਰਾਲਾ ਉਸੇ ਕੜੀ ਦਾ ਹਿੱਸਾ ਹੈ।ਜਿਸ ਵਿਚ ਸੱਠ ਦੇ ਕਰੀਬ ਸਟਾਰਰਟ ਅੱਪਸ ਬਾਰਾਂ ਕਰੋੜ ਦੀ ਫੰਡਿਗ ਰਾਹੀਂ ਆਪਣੇ ਨਵੇਂ ਰੁਜ਼ਗਾਰ ਸ਼ੁਰੂ ਕਰ ਸਕਣਗੇ। ਇਹ ਸਟਾਰਟ ਅੱਪ, ਸੰਭਾਵੀ ਨਾਲ ਭਰਪੂਰ, ਤਕਨਾਲੋਜੀ, ਸਿਹਤ ਸੰਭਾਲ, ਸਥਿਰਤਾ, ਅਤੇ ਸਮਾਜਿਕ ਨਵੀਨਤਾ ਦੇ ਰੂਪ ਵਿਚ ਵਿਭਿੰਨ ਖੇਤਰਾਂ ਵਿਚ ਫੈਲੇ ਹੋਏ ਹਨ। ਹਰ ਪਿੱਚ ਸਿਰਫ਼ ਇੱਕ ਵਪਾਰਕ ਵਿਚਾਰ ਨਹੀਂ, ਸਗੋਂ ਅਸਲ-ਸੰਸਾਰ ਦੀਆਂ ਚੁਨੌਤੀਆਂ ਨੂੰ ਹੱਲ ਕਰਨ ਅਤੇ ਸਥਾਈ ਪ੍ਰਭਾਵ ਬਣਾਉਣ ਲਈ ਇੱਕ ਦੂਰ-ਅੰਦੇਸ਼ੀ ਦ੍ਰਿਸ਼ਟੀ ਦਾ ਪ੍ਰਤੀਕ ਹੈ।
ਇਸ ਦੌਰਾਨ ਸਟੇਜ ਨੂੰ ਹੋਰ ਪ੍ਰਸਿੱਧ ਬੁਲਾਰਿਆਂ ਵੱਲੋਂ ਵੀ ਮੌਕੇ ਤੇ ਹਾਜ਼ਰ ਸੈਂਕੜੇ ਨੌਜਵਾਨਾਂ ਨੂੰ ਆਪਣੀ ਸਫਲ ਸਵੈ ਜੀਵਨੀ ਸਮੇਤ ਬਿਹਤਰੀਨ ਜਾਣਕਾਰੀ ਰਾਹੀਂ ਪ੍ਰਭਾਵਿਤ ਕੀਤਾ। ਜਿਸ ਵਿਚ ਸ਼ਕਤੀ ਵੇਅਰੇਬਲਜ਼ ਦੀ ਮੈਨੇਜਿੰਗ ਡਾਇਰੈਕਟਰ ਡਾ. ਸ੍ਰਿਸਟੀ ਨੇ ਇਕ ਲੜਕੀ ਰਾਹੀਂ ਸਮਾਜਿਕ ਜ਼ੰਜੀਰਾਂ ਨੂੰ ਤੋੜਨ ਦੇ ਆਪਣੇ ਸਫ਼ਰ ਨੂੰ ਸਾਂਝਾ ਕੀਤਾ। ਜਿਸ ਵਿਚ ਉਨ੍ਹਾਂ ਭਾਰਤ ਦੀ ਪਹਿਲੀ ਆਲ-ਇਨ-ਵਨ ਔਰਤਾਂ ਦੀ ਸੁਰੱਖਿਆ ਬੈਂਗਲ ਤਕਨਾਲੋਜੀ ਅਤੇ ਮਹਿਲਾਂ ਸਸ਼ਕਤੀਕਰਨ ਦੇ ਆਪਣੇ ਸਫਲ ਸਟਾਰਟ ਅੱਪ ਨੂੰ ਸਾਂਝਾ ਕੀਤਾ। ਇਸ ਦੇ ਨਾਲ ਹੀ ਸੁਧੀਰ ਕੁਮਾਰ ਚੌਹਾਨ, ਐੱਚ ਪੀ ਈ ਇੰਡੀਆ ਦੇ ਕੰਟਰੀ ਕਲੈਕਸ਼ਨ ਮੈਨੇਜਰ ਅਤੇ ਸਫਲ ਬਿਜ਼ਨਸਮੈਨ ਮਨਰਾਜ ਸਿੰਘ ਨੇ ਗੁੰਝਲਦਾਰ ਕਾਰੋਬਾਰੀ ਮਾਹੌਲ ਨੂੰ ਸਫਲ ਤਰੀਕੇ ਸੁਲਝਾਉਣ ਦੇ ਤਰੀਕੇ ਸਾਂਝੇ ਕੀਤੇ। ਇਸ ਤੋਂ ਬਾਅਦ ਕਿ ਇਕ ਕਰਕੇ ਵਿਦਿਆਰਥੀਆਂ ਨੇ ਸਫਲ ਸਟਾਰਟ ਅੱਪ ਨੂੰ ਦੇ ਆਈਡੀਆ ਨਿਵੇਸ਼ਕਾਂ ਨਾਲ ਸਾਂਝੇ ਕੀਤੇ ਗਏ।ਜਿਨ੍ਹਾਂ ਤੇ ਲੰਬੀ ਵਿਚਾਰ ਚਰਚਾ ਚੱਲੀ ਅਤੇ ਇਨ੍ਹਾਂ ਆਈਡੀਆ ਨਿਵੇਸ਼ਕਾਂ ਵੱਲੋਂ ਅਪਣਾ ਲਿਆ ਗਿਆ।
ਫ਼ੋਟੋ ਕੈਪਸ਼ਨ- ਸੀ ਜੀ ਸੀ ਝੰਜੇੜੀ ਕੈਂਪਸ ਵਿਚ ਕਰਵਾਏ ਵੈਂਚਰਨੈਸਟ ਵਾਲਟ ਵਿਚ ਹਿੱਸਾ ਲੈਂਦੇ ਪੰਜਾਬ ਵਿਧਾਨ ਸਭਾ ਦੇ ਮਾਨਯੋਗ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਅਤੇ ਚੇਅਰਮੈਨ ਰਛਪਾਲ ਸਿੰਘ ਧਾਲੀਵਾਲ ।
No comments:
Post a Comment