ਸਰਪੰਚਾ ਨਾਲ ਮੀਟਿੰਗ ਕਰਕੇ ਦਿੱਤੀ ਮੁਫਤ ਐਸ ਸੀ ਡੇਅਰੀ ਸਿਖਲਾਈ ਦੀ ਜਾਣਕਾਰੀ

 ਐਸ.ਏ.ਐਸ. ਨਗਰ 5 ਫਰਵਰੀ :ਡਿਪਟੀ ਡਾਇਰੈਕਟਰ ਡੇਅਰੀ ਗੁਰਿੰਦਰਪਾਲ ਸਿੰਘ ਕਾਹਲੋਂ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਕਾਰਜਕਾਰੀ ਅਫਸਰ ਸ ਕਸ਼ਮੀਰ ਸਿੰਘ ਦੀ ਯੋਗ ਅਗਵਾਈ ਹੇਠ ਮੋਹਾਲੀ ਜਿਲੇ ਦੇ ਪਿੰਡਾ ਪੀਰ ਸੁਹਾਣਾ, ਸਕਰੂੱਲਾਪੁਰ, ਬੱਤਾ, ਸਿੱਲ, ਗੜਾਗਾ, ਬਜਹੇੜੀ ਦੇ ਸਰਪੰਚ ਸਾਹਿਬਾਨਾ ਨਾਲ ਮੀਟਿੰਗ ਕਰਕੇ ਐਸ.ਸੀ ਸਕੀਮ ਸੰਬੰਧੀ ਦੱਸਿਆ ਗਿਆ। ਇਹ ਜਾਣਕਾਰੀ ਦਿੰਦਿਆਂ ਸ੍ਰੀ ਮਨਦੀਪ ਸਿੰਘ ਸੈਣੀ, ਡੇਅਰੀ ਵਿਕਾਸ ਇੰਸਪੈਕਟਰ ਨੇ ਸਰਪੰਚਾਂ ਨੂੰ ਦੱਸਿਆ ਕਿ ਇਸ ਸਿਖਲਾਈ ਸਕੀਮ ਤਹਿਤ ਸਿਖਲਾਈ ਉਨਾਂ ਵਿਅਕਤੀਆਂ ਨੂੰ ਹੀ ਦਿੱਤੀ ਜਾਵੇਗੀ

 ਜਿਨਾਂ ਦੀ ਉਮਰ 18 ਸਾਲ ਤੋ 50 ਸਾਲ ਦੇ ਦਰਮਿਆਨ ਹੋਵੇ, ਘੱਟੋ ਘੱਟ ਪੰਜਵੀ ਪਾਸ ਹੋਵੇ, ਅਨੁਸੂਚਿਤ ਜਾਤੀ ਨਾਲ ਸੰਬੰਧ ਰੱਖਦਾ ਹੋਵੇ। ਸਿਖਲਾਈ ਦੌਰਾਨ ਸਿਖਿਆਰਥੀਆਂ ਨੂੰ ਚਾਹ ਅਤੇ ਦੁਪਹਿਰ ਦੇ ਖਾਣੇ ਦਾ ਪ੍ਰਬੰਧ ਵੀ ਕੀਤਾ ਜਾਵੇਗਾ। ਪੰਜਾਬ ਸਰਕਾਰ ਵੱਲੋ ਇਹ ਸਿਖਲਾਈ ਮੁਫਤ ਕਰਵਾਈ ਜਾ ਰਹੀ ਹੈ, ਜਿਸਦੀ ਕਿ ਕੌਈ ਵੀ ਫੀਸ ਨਹੀ ਹੈ। ਬਲਕਿ ਸਿਖਿਆਰਥੀਆ ਨੂੰ ਸਿਖਲਾਈ ਉਪਰੰਤ 2000 ਰੁਪਏ ਪ੍ਰਤੀ ਸਿਖਿਆਰਥੀ ਵਜੀਫਾ ਵੀ ਦਿੱਤਾ ਜਾਵੇਗਾ। 

                              ਮੀਟਿੰਗ ਦੌਰਾਨ ਸਰਪੰਚਾ ਨੂੰ ਐਸ.ਸੀ. ਜਾਤੀ ਨਾਲ ਸੰਬੰਧਤ ਲੋਕਾ ਨੂੰ ਇਸ ਸਕੀਮ ਦਾ ਵੱਧ ਤੋ ਵੱਧ ਲਾਹਾ ਲੈਣ ਲਈ ਕਿਹਾ ਗਿਆ। ਸਰਪੰਚ ਸਾਹਿਬਾਨਾ ਵੱਲੋ ਇਸ ਸਕੀਮ ਦੀ ਸ਼ਲਾਘਾ ਕੀਤੀ ਗਈ ਅਤੇ ਸਕੀਮ ਵਿੱਚ ਪਿੰਡ ਦੇ ਐਸ.ਸੀ ਜਾਤੀ ਨਾਲ ਸੰਬੰਧਤ ਲੋਕਾ ਦੀ ਸ਼ਮੂਲੀਅਤ ਕਰਨ ਦਾ ਭਰੋਸਾ ਦਿੱਤਾ ਗਿਆ। ਇਸ ਮੌਕੇ ਸ. ਮਨਜੀਤ ਸਿੰਘ, ਸਰਪੰਚ  ਬਜਹੇੜੀ, ਬਲਜੀਤ ਕੌਰ, ਸਰਪੰਚ ਪੀਰ ਸੁਹਾਣਾ, ਸ ਮਨਵਿੰਦਰ ਸਿੰਘ, ਸਰਪੰਚ ਸਕਰੂਲਾੱਪੁਰ, ਰਵਿੰਦਰ ਸਿੰਘ, ਸਰਪੰਚ ਬੱਤਾ, ਸਿਮਰਜੀਤ ਸਿੰਘ, ਸਰਪੰਚ ਸਿੱਲ ਅਤੇ ਸੁਖਪ੍ਰੀਤ ਸਿੰਘ ਸਰਪੰਚ ਗੜਾਗਾ ਮੌਜੂਦ ਸਨ।