ਕੌਮੀ ਪ੍ਰੀ-ਯੋਗ ਓਲੰਪਿਆਡ 2024 ਦੀ ਸ਼ਾਨਦਾਰ ਸ਼ੁਰੂਆਤ

ਚੰਡੀਗੜ੍ਹ, 16 ਮਈ :- ਸੇਂਟ ਸਟੀਫੰਸ ਸਕੂਲ, ਚੰਡੀਗੜ੍ਹ ਨੇ ਕਾਊਂਸਿਲ ਫਾਰ ਦ ਇੰਡੀਅਨ ਸਕੂਲ ਸਰਟੀਫਿਕੇਟ ਏਗਜਾਮੀਨਿੇਸ਼ਨ (ਸੀਆਈਐਸਸੀਈ) ਦੇ ਸਹਿਯੋਗ ਨਾਲ ਆਪਣੇ ਪਰਿਸਰ ਵਿਚ ਪ੍ਰਬੰਧਿਤ ਤਿੰਨ ਦਿਨਾਂ ਦੀ ਕੌਮੀ ਪ੍ਰੀ-ਯੋਗ ਓਲੰਪਿਆਡ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਗਈ। 16 ਮਈ ਨੂੰ ਸੀਆਈਐਸਸੀਈ ਦੇ ਮੁੱਖ ਕਾਰਜਕਾਰੀ ਅਤੇ ਸਕੱਤਰ ਡਾ. ਜੋਸੇਫ ਇਮੈਨੂਏਲ ਵੱਲੋਂ ਉਦਘਾਟਨ ਕੀਤੇ ਗਏ ਇਸ ਪ੍ਰੋਗ੍ਰਾਮ ਵਿਚ ਯੋਗ ਦੇ ਖੇਤਰ ਵਿਚ ਪ੍ਰਤਿਭਾ ਅਤੇ ਸਮਰਪਣ ਦਾ ਵਰਨਣਯੋਗ ਪ੍ਰਦਰਸ਼ਨ ਦੇਖਿਆ ਗਿਆ।

ਡਾ. ਜੋਸੇਫ ਇਮੈਨੁਏਲ ਦੇ ਪ੍ਰਤਿਸ਼ਠਤ ਸਰੰਖਣ ਵਿਚ, ਉਦਾਘਟਨ ਸਮਾਰੋਹ ਵਿਚ ਸੇਂਟ ਸਟੀਫੰਸਸਕੂਲ, ਚੰਡੀਗੜ੍ਹ ਦੇ ਪ੍ਰਿੰਸੀਪਲ ਸ੍ਰੀ ਬੈਰੀ ਫ੍ਰਾਂਸਿਸ ਦੀ ਮੌਜੂਦਗੀ ਸੀ, ਜਿਨ੍ਹਾਂ ਨੇ ਗਰਮਜੋਸ਼ੀ ਨਾਲ ਸਵਾਗਤ ਭਾਸ਼ਨ ਦਿੱਤਾ। ਇਸ ਪ੍ਰੋਗ੍ਰਾਮ ਵਿਚ ਪੂਰੇ ਦੇਸ਼ ਵਿਚ ਕਈ 200 ਪ੍ਰੋਫੈਸਰਾਂ ਨੇ ਹਿੱਸਾ ਲਿਆ ਜੋ ਯੋਗ ਰਾਹੀਂ ਸਮੂਚੀ ਭਲਾਈ ਨੂੰ ਪ੍ਰੋਤਸਾਹਨ ਦੇਣ ਲਈ ਵਿਆਪਕ ਦਿਲਚਸਪੀ ਅਤੇ ਸਮਰਥਨ ਨੂੰ ਦਰਸ਼ਾਉਂਦਾ ਹੈ। ਸ੍ਰੀ ਬੈਰੀ ਫ੍ਰਾਂਸਿਸ ਨੇ ਆਪਣੇ ਸੰਬੋਧਨ ਵਿਚ ਭਰੋਸਾ ਵਿਅਕਤ ਕੀਤਾ ਕਿ ਯੋਗ ਨਾਲ ਅਸੀਂ ਨਾ ਸਿਰਫ ਆਪਣੇ ਸਿਹਤ ਵਿਚ ਸੁਧਾਰ ਕਰਾਂਗੇ ਸਗੋ ਆਪਣੀ ਸਮੂਚੀ ਭਲਾਈ ਵਿਚ ਵੀ ਸੁਧਾਰ ਕਰਾਂਗੇ।
ਸ੍ਰੀ ਫ੍ਰਾਂਸਿਸ ਨੇ ਦਸਿਆ ਕਿ 10 ਵਿਵਿਧ ਖੇਤਰਾਂ ਦੇ ਕੁੱਲ 180 ਪ੍ਰਤੀਭਾਗੀ ਸਾਡੇ ਦੇਸ਼ ਦੀ ਖੁਸ਼ਹਾਲ ਸਭਿਆਚਾਰਕ ਵਿਵਿਧਤਾ ਅਤੇ ਏਕਤਾ ਨੂੰ ਦਰਸ਼ਾਉਂਦੇ ਹੋਏ ਆਪਣੀ ਅਸਾਧਾਰਨ ਪ੍ਰਤਿਭਾ ਅਤੇ ਕੌਸ਼ਲ ਦਾ ਪ੍ਰਦਰਸ਼ਨ ਕਰਣਗੇ। ਵੱਖ-ਵੱਖ ਯੋਗ ਆਸਨਾਂ ਅਤੇ ਅਭਿਆਸਾਂ ਰਾਹੀਂ ਪ੍ਰਤੀਭਾਗੀਆਂ ਨੇ ਨਾ ਸਿਰਫ ਸ਼ਾਰੀਰਿਕ ਕੌਸ਼ਲ ਸਗੋ ਮਾਨਸਿਕ ਅਨੁਸਾਸ਼ਨ ਅਤੇ ਅਧਿਆਤਮਕ ਸਦਭਾਵ ਦਾ ਵੀ ਪ੍ਰਦਰਸ਼ਨ ਕੀਤਾ।

ਉਨ੍ਹਾਂ ਨੇ ਕਿਹਾ ਕਿ ਜਿਵੇਂ ਹੀ ਇਸ ਯਾਦਗਾਰ ਪ੍ਰੋਗ੍ਰਾਮ ਦਾ ਸਮਾਪਨ ਹੋਇਆ, ਅਸੀਂ ਸਾਰੇ ਪ੍ਰਤੀਭਾਗੀਆਂ ਨੂੰ ਉਨ੍ਹਾਂ ਦੇ ਸ਼ਲਾਘਾਯੋਗ ਪ੍ਰਦਰਸ਼ਨ ਲਈ ਵਧਾਈ ਦਿੰਦੇ ਹਾਂ। ਕੌਮੀ ਪ੍ਰੀ-ਯੋਗ ਓਲੰਪਿਆਡ ਦੇ ਜੇਤੂਆਂ ਨੇ ਚੰਗੀ ਪਹਿਚਾਣ ਬਣਾਈ ਹੈ ਅਤੇ ਜੂਨ ਵਿਚ ਹੋਣ ਵਾਲੇ ਐਨਸੀਆਰਟੀ ਯੋਗ ਓਲੰਪਿਆਡ ਵਿਚ ਆਪਣਾ ਸਥਾਨ ਸੁਰੱਖਿਅਤ ਕੀਤਾ ਹੈ।

ਕੌਮੀ ਪ੍ਰੀ-ਯੋਗ ਓਲੰਪਿਆਡ 2024 ਯੋਗ ਦੀ ਪੁਰਾਣੀ ਰਿਵਾਇਤ ਨੁੰ ਪ੍ਰੋਤਸਾਹਨ ਦੇਣ ਅਤੇ ਸਮੂਚੀ ਭਲਾਈ ਰਾਹੀਂ ਕੌਮੀ ਏਕਤਾ ਨੂੰ ਪ੍ਰੋਤਸਾਹਨ ਦੇਣ ਦੀ ਦਿਸ਼ਾ ਵਿਚ ਸੇਂਟ ਸਟੀਫੰਸ ਸਕੂਲ, ਚੰਡੀਗੜ੍ਹ ਅਤੇ ਸੀਆਈਐਸਸੀਈ ਦੀ ਅਟੁੱਟ ਪ੍ਰਤੀਬੱਧਤਾ ਦਾ ਇਕ ਪ੍ਰਮਾਣ ਹੈ। ਅਸੀਂ ਇਸ ਪ੍ਰਬੰਧ ਨੂੰ ਸਫਲ ਬਨਾਉਣ ਲਈ ਸਾਰੇ ਪ੍ਰਤੀਭਾਗੀਆਂ , ਪ੍ਰਬੰਧਕਾਂ ਅਤੇ ਸਮਰਥਕਾਂ ਦੇ ਪ੍ਰਤੀ ਆਪਣੀ ਧੰਨਵਾਦ ਪ੍ਰਗਟਾਉਂਦੇ ਹਾਂ।